[Aragón] Movilizacions en l’enguero d’o curso

L’enguero d’o curso ha estau en Aragón pleno de protestas, marcau por as luitas y as movilizacions d’estudiants y profesors en esfensa d’a educación publica. Ahiere 17 de setiembre se feba la devantadera oficial d’o curso en a Universidat de Zaragoza a la que acudioron representants politicos y educatius. De maitins, antis de l’acto, se concentraba en a puerta d’o Paraninfo convocaus por as asambleyas d’estudiants y os profesors arredol de 200 personas que permanecioron asti, pese as menazas de cargas policials, dica la plegada d’os representants institucionals a los que han dedicau una sonora chuflada.

As protestas prencipian iste curso ya dende o primer diya, de seguras que no reblarán en totz os meses que encara quedan por debant. Dende Universidat- Estudiants Independentistas y Revolucionarias d’Aragón creyemos que as luitas estudiantils son uno d’os alazets en a unificación y composición d’as luitas populars. Luitar dende una anviesta revolucionaria en institutos y en a universidat ye a millor traza de creyar una subchetividat contra os retalles y o sistema capitalista. En iste sentiu ye menester que continen as movilizacions, como la que se ferá l’onze d’octobre en un contexto de diya internacional de luita estudiantil.