[Aragón] Valoración de la jornada de huelga y movilización del 11O

Dende o sindicato Universidat valuramos muit positivament ista chornada de vada y de luita estudiantil d’Aragón que s’enmarca dentro d’a campanya d’o 11×12 en coordinación con sindicatos estudiantils y organizacions chovenils d’os territorios de tot l’Estau. Replecamos que tant a vada como as movilizacions realizadas han serviu ta valurar y medir de bella traza o grau d’organización y concienciación d’a estudiantalla aragonesa en as suyas diferents redoladas y lugars.

A vada, convocada en totz os institutos y campus aragoneses en os que iste 11 d’octobre no ha estau festivo, s’ha focalizau especialment en tres puntos; Teruel, Uesca y Andorra. O seguimiento ha estau desigual, seguntes a ciudat, os cursos y a mena de centro.

En Uesca o seguimiento cheneral ha estau arredol d’o 53% determinau en gran parti por o baixo seguimiento en l’ESO, puyando en bachilleratos y especialment alto en os centros d’amostranzas especializadas y profesionals an s’ha plegau a un 90% de seguimiento. Istos resultaus, agridulces dende l’amvista sindical estudiantil, s’entienden por varios factors: por un costau a falta d’organización estudiantil y cultura movilizatoria en as amostranzas meyas uescanas; y por atro lau l’actuación conchunta d’as fuerzas d’a reacción contra ista convocatoria que un diya antis d’a vada, o Sindicato de Estudiants, s’han dedicau a sembrar a confusión cancelandola ilícitament con l’obchetivo de suplantarla, d’a mesma traza cuasi todas as direccions de centros s’han negau a legalizar a vada empentando a traviés d’os mayestros una campanya de descredito y de amedrentamiento d’os estudiants. Examenes, faltas, entregas de treballo; ixas han estau as armas con as que as direccions, en colaboración con o sindicalismo amariello, han lograu aturar en parti a os y as estudiants que han feito vada. Con tot y con ixo, a las 11:30 d’o maitin se levaba a cabo una concentración en a Plaza Zaragoza a la que plegaban decenas de estudiants y en a que s’ha leyiu un manifiesto en o que se explicaban os motivos t’a convocatoria.

A la mesma hora que en Uesca prencipiaba en Teruel una manifestación an más de 200 estudiants han partiu dende o campus dica o centro d’a ciudat revindicando os suyos dreitos y criticando as reformas d’o gubierno convocaus por Universidat y l’Asambleya d’Estudiants de Teruel. O seguimiento en a ciudat de Teruel ha estau tamién desigual pero más alto que en la capital d’o norte; más d’o 70% en institutos y puyando o 80% en o campus d’a ciudat. Tamién as horas han marcau la participación en a vada puesto que muitas estudiants decidiban a zaguera hora y gracias a os y as estudiants movilizaus sumar-se y secundar-la.

L’atro foco important d’iste diya de vada ha estau Andorra. A localidat baixoaragonesa, que cuenta con un instituto, ha teniu un alto porcentache de seguimiento en a vada que ha plegau t’o 100% en bachilleratos, o 90% en 3º y 4º de l’ESO y estando menor en primer ciclo (an as estudiants no tien dreito a vada). Durante toda a maitinada y con o refirme d’a Marea Verde andorrana os estudiants s’han concentrau dende as 9 dica as 11, inte en o que más d’un centenar han saliu en manifestación dica a Plaza d’o Regallo do s’ha leyiu un comunicau.

Iste diya de movilizacions remataba con una manifestación simbolica en Zaragoza an ha estau tot lo diya festivo, en o vico d’A Madalena frent a l’antiga universidat en a que meyo centenar d’estudiants han recorriu as carreras d’o vico revindicando os suyos dreitos y en refirme a la vad. L’acto ha rematau con a lectura d’o comunicau internacional y clamando a la solidaridat con as victimas d’a represión espanyola que en os Paisos Catalans s’han cobrau en a chornada de vada un deteniu.

En cheneral o balance ta Universidat ye positivo, haber podiu quitar adebant una vada con muit poquet tiempo parandolo, en unas calendatas tan dificils y visibilizando un Aragón que va dillá d’a centralización zaragozana. Ista convocatoria ha serviu ta examinar quals son os puntos en os que a luita estudiantil ye menos enantada y bi ha menos organización y conciencia; tabién t’amostrar que bi ha vida dillá d’a gran ciudat y que si se quier en o meyo rural s’en puet. Especialment destacable ye o caso d’Andorra an bi heba estudiants que autonomament han decidiu secundar a vada y de centros como a Escuela d’Artes d’Uesca con un seguimiento masivo asinas como en Teruel an gracias a l’intervención de l’Asambleya d’Estudiants ha saliu entabant a convocatoria. L’obchetivo d’Universidat dende hue ye planteyar a necesidat d’organizar a l’estudiantalla allí an no en ye, especialment en os institutos d’Uesca y en a gran parti d’o meyo rural an as movilizacions son dificultadas y boicoteadas por as direccions y os sindicatos traidors debiu a la falta d’auto-organización estudiantil. Ye menester prener istos puntos, de baixa participación, y treballar ta que en futuras movilizacions den os mesmos buenos resultaus que en atros territorios.

Fotocrónica: http://universidat.wordpress.com/2012/10/11/11×12-fotocronica-y-valoracion-de-la-jornada-de-huelga-y-movilizacion-en-aragon-este-11-de-octubre/

Publicado el octubre 19, 2012 en Aragón, Noticias Locales y etiquetado en . Guarda el enlace permanente. Deja un comentario.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: