asturianu

¡Non a los retayos impuestos pol BCE y los sos llacayos del Partíu Popular!

Los distintos movimientos estudiantiles de les distintes naciones primíes dientro del Estáu Español que roblemos esti manifiestu, queremos dar a conocer al estudiantáu y a la opinión pública polo xeneral nuesu más ampliu refugu a les reformes que se plantegaron dende’l gobiernu de Mariano Rajoy, y especialmente polos retayos n’educación plantegaos pol ministru d’educación Wert.

De la mesma, gustaríanos incidir en que toes estes midíes tán llevándose a cabu cola ayuda de los distintos gobiernos de les comunidaes autónomu y foral, refugando les sos responsabilidaes. Tán aplicando les decisiones del gobiernu central ensin nengún tipu de reparu, demostrando una vegada más, que sol capitalismu y el autonomismo nun ye posible la soberanía y l’independencia de los pueblos que s’atopen indefensos ante les reformes impuestes dende la UE y el gran capital.

Nesta coxuntura política, les organizaciones estudiantiles que emplazamos esti comunicáu, fiximos un esfuerzu políticu pa poder tar al altor de los acontecimientos y poder crear una alternativa real al capitalismu depredador que nos imponen y presenten como única solución.

Nós proponemos dende cada unu de los pueblos a los que representamos, una alternativa socialista ya independentista, onde’l poder económico y políticu more nel pueblu. Onde nun sía posible destruyir fontes de riqueza colectiva como la educación.

Retayos, reformes, y amenorgamientu de derechos sociales, políticos y culturales, son el pan d’acaldía de tolos estudiantes de los nuesos pueblos. Cola escusa d’una crisis, creada polos mesmos que tán xestionando’l poder dende los distintos marcos gobernantes, tán llevándonos a un sistema esclavista, onde los ricos son más ricos y los probes son más probes; onde los nuevos faraones tienen nomes de multinacionales, y onde col total alcuerdu de los gobernantes y la patronal, siguen aballando a esa clase primida por aciu los nuevos latigueros que son les fuerces represives del estáu.

Nun bastaba cola mala situación de les llingües y cultures de los pueblos, si non qu’agora busquen destruyiles retayando los presupuestos n’educación, cultura y na meyora de la situación llingüística. Cola crisis institucional, nun perdieron el tiempu n’intentar uniformar a les naciones dientro del Estáu, por que la so estructura siempres caediza pueda siguir esistiendo.

Xustifiquen tou esto diciendo que nun hai dineru, cuando nos mercaos d’alta gama la crecedera aumentó, tamién el gastu militar los sueldos de los políticos. Cada vez vemos nes escueles más cámares y más personal de seguridá privada, coles mesmes que tenemos qu’escuchar qu’hai qu’aumentar el númberu d’estudiantes per aula y que el profesores tienen d’exercer más hores lectives. Nun hai persona que nun pueda ver estos atropellos a lluz del día.

Son munchos años desque empezamos a falar sobre la privatización de la universidá, y nun son pocos los golpes que recibimos desque empezó la llucha contra’l procesu de Bologna.

Antes, tachábennos de llocos y estremistes, agora nun hai rector que pueda rebatir, desgraciadamente, l’aldu que tomó la universidá, col beneplácito de cada unu d’ellos.

Anque nun nos gusta tener que dicir esto, el qu’avisa nun ye traidor. Aun así, yá que nun tenemos nada que perder, namá hai que dicir que nos queda tou por ganar! Ye la hora de conquistar un modelu de sociedá xustu y equitativo, onde’l poder more de verdá nel pueblu.

Pa ello, vemos como única salida exercer la soberanía de cada pueblu. Esa soberanía que nos fai ser suxetos en tolos procesos y non simples oxetos de compra y vienta, y tar condergaos a ser espectadores sufridores de los desoladores acontecimientos. Día ente día dende cada centru educativu, tenemos de lluchar contra cada midida impuesta dende’l gobiernu y buscar les alternatives necesaries pa llograr los nuesos oxetivos. Xuniéndonos a les lluches por una educación pública y digna pa toes y toos, pa poder construyir la nueva escuela que nos eduque como persones llibres. Namá siendo suxetos activos de los procesos educativos vamos ser capaces de construyir otru modelu d’escuela y sociedá.

Nesi camín, la única alternativa posible ye una escuela pública, laica, popular, antipatriarcal, digna y que cumpla con toles necesidaes llingüísticu y cultural de cada nación. Nesti camín, convidamos a tol estudiantáu de les respectives naciones a que lluche nesti cambéu al pie de nós. Somos dueños del nuesu presente y tien que ser el nuesu compromisu, pa construyir el nuesu futuru, ¡Ye tiempu de lluchar! ¡Cola llucha estudiantil vamos consiguir!

¡Hasta la victoria siempres!

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: