[Euskal Herria] Ikasle Abertzaleak: «Borrokaz lortuko dugu erreformak gelditzea eta Euskal Eskola Nazionala eraikitzea»

Erantzun ikaragarria izan du espainiar estatuko nazio zapalduetako hamar ikasle antolakundek deituriko «Ikasleon Nazioarteko Mobilizazio Egunak». Guztira 16.000 ikasle inguru batu gara antolatutako manifestazioetan Ikasle Abertzaleak-en deialdiari jarraiki.

Erreformak gelditu ditzatela eta Euskal Herriari dagokion hezkuntzan erabakitzeko eskubidea aitortzea aldarrikatu dugu burutu ditugun 30 mobilizazio baino gehiagotan.

Erreformen aurkako ikasle olatu hau geratzeko helburuz jasan dugun errepresio bortitza ere salatu nahi dugu, izan ere, 210 identifikatu izan baitira guztira.

Hedabide ezberdinetan izandako oihartzuna:

naiz.info – Iruñeako bideoa – Sakonean – Haizearen Arkatza | Ikoitzen Arkatza (I) – (II)| topatu.info | Info 7 irratia| berria.info – elkarrizketa Berria-n – BERRIAko portada – BERRIA | elkarrizketa GARA-n (I) (II) – GARAko portada – GARA – Editoriala | Hamaika TB | Bilboko Branka | Euskalerria Irratia | haraba! | LIM | eitb.com | Deia | El Correo – argazki galeria | Diario de Navarra | Noticias de Navarra (I) | Noticiad de Navarra (II) | publico.es | El Mundo | Europa Press (I) – Eurpa Press (II) | LAB sindikatua | Bilboko manifestazioko argazki galeria | Argazki galeria | Nafarroako mobilizazioen argazki galeria | EkinKlik | Ateak Ireki

[Euskal Herria] LAB sindikatuak #11x12rekin bat egin eta mobilizatzeko deia luzatu du

LAB sindikatuak bere babes osoa ematen dio urriaren 11rako deitutako ikasle grebarekin eta langileei dei egiten die ikasleekin batera mobilizatzeko.

Espainiar Gobernuak hezkuntzan eta beste hainbat esparrutan onartu dituen murrizketak salatzeko estaturik gabeko nazioetako ikasleek, tartean Hego Euskal Herriko ikasle mugimenduak, urriaren 11rako deitutako greba eta mobilizazio egunarekin bat egiten du LAB sindikatuak.

[Euskal Herria] Eremu ez-unibertsitarioko eragileek bat egin dute ikasle grebarekin, Nafarroan

Behean sinatzen dugun irakasle ez unibertsitarioen pertsonal batzordeko sindikatuok eta guraso elkarteok Nafarroako Ikasle talde ezberdinek (UPNAko ASANBLADA, ASANBLASA LIBERTARIA, ERALDATU, IKASLE ABERTZALEAK eta IKASLEEN SINDIKATUA) hilaren 11arako konbokatu duten greba egunean planteatutako aldarrikapenekin bat egiten dugula jakinarazi nahi dugu:

• LOMCE delakoaren aurka.
• Unibertsitateko tasen igoerari ez.
• Nafarroako Hezkuntza departamenduak  sistematikoki aplikatzen ari den murrizketei ez.
• 2013rako aurreikusten diren murrizketei ez.

Neurri eta erabaki politiko horiek guztiak, praktikan, hezkuntza sistemak bermatu behar zuen  aukera berdintasunaren aurkako eraso bat dira eta gure jendartearen gazteen etorkizuna hipotekatzen dute.

Dei egin nahi diegu irakasleei, zuzendaritza taldeei zein familiei ikasleek greba egiteko duten eskubidea egikaritzea, baita greba eguna normaltasun osoz igarotzea  erraz dezaten.

 LAB, STEE-EILAS, CCOO, AFAPNA, ANPE, CSIF, ELA

SORTZEN IKASBATUAZ, HERRIKOA

[Euskal Herria] Ibaetako ikasleak ere lanaen daude #11x12ari begira

Ibaetako ikasleak hasi dira urriak 11ra bidean motorrak berotzen. Iragan astean fakultate ezberdinetan ekintza ezberdinak gauzatu ziren (asanbladak, kalejirak, parodiak…) eta asteon, egunero kanpusean ere zer egina badago. Bide horretan, ikasle oro borrokara batu dadin dei egin dute.

El pase de diapositivas requiere JavaScript.

[Euskal Herria] Oarsoaldeako ikasleak egitarau oparoa osatu dute #11x12rako

Deialdi internazionalistarekin bat eginez, oarsoaldeko ikasle mugimenduak ere ekimen ezberdinak antolatu ditu Urriaren 11 eta 12ari begira. Espainiar gobernuak inposatu nahi dizkigun erreformei ezezko tinkoa eman nahi diegu guk ere. Denbora da hezkuntzan pixkanaka pixkanaka neurri pribatizatzaile eta elitistak sartzen ari direla. Hemen, Euskal Autonomia Erkidegoko hezkuntza sailburu den Isabel Celaák, dena ederra saldu nahi digu; haren ahotik entzun dezakegu berak ezezkoa ematen diela Wert eta Rajoy-ren murrizketei, gu salbuespena garela eta berdin jarraituko dugula aurrera. Uste al du sinistuko dugula?

[Euskal Herria] Leioako ikasleak ere kalera aterako dira #11x12an

Leiaoako Ikasle Mugimenduak, exijitzen dugu:

• Hezkuntzako diru partida %14 jeitsi digute. Guk hezkuntzan gastu militarrera zuzentzen den diru guztia hezkuntzan inbertitzea exigitzen dugu ikasleok.

• Unibertsitateetako tasak etengabean igotzen ari dira hezkuntza publikoa pribatura gerturatuz. Horregatik, tasen jeitsiera exigitzen dugu ikasleok.

• Bekak eskuratzeko betebeharrak orohar gogortzen ari dira. Horregatik, beka behar dutenek eskubide hori izatea exigitzen dugu ikasleok.

• DBHko zikloari urte bateko murrizketa egin diote merkatuen mesedetan. Hori dela eta herriari eta herritarrei begirako hezkuntza bat exigitzen dugu ikasleok.

• Eduki instrumentalen indartzea egin da (hizkuntzak, matematika eta zientzia) ikasleon hautagaiak murriztuz. Herritar aske eta kritikoak hezteko hezkuntza exigitzen dugu ikasleok.

• Unibertsitateko maila akademikoa debaluatzen ari dira, kritikotasuna murriztuz eta ikasleak masterrak egitera bultzatuz. Hezkuntza duin eta kritiko bat exigitzen dugu ikasleok.

• Enpresa pribatuek geroz eta finantziazio handiagoa ematen ari dira unibertsitateei. Master el correo, master EITB… ohikoak bihurtu dira. Ikasleok finantziazio publiko bat exigitzen dugu, enpresen esku hartzetik at.

• Curriculumaren %35a soilik egokituko zaio erkidegoei, gainontzekoa madrildik erabakiko da hizkuntza eta nazio zapalduen kaltetan. Hori dela eta, herri eta nazioak zapaltzen ez dituen hezkuntza bat exigitzen dugu ikasleok.

[Euskal Herria] Gasteiz-ko Koldo Txiki-ko ikasleak protesta egin dute

El pase de diapositivas requiere JavaScript.

Gazteiz-ko Koldo Txiki ikastetxean protesta egin dute bertako ikasleek. Asanblada burutu ondoren, eserialdia egin zuten DBHko 3. eta 4 mailetako ikasleek patioan, aulkiekin, Koldo Mitxelena Institutura begira.

[Euskal Herria] EITBk errealitatea manipulatzen du, berriz ere

EITBk, berriz ere, errealitatea manipulatu egin du. Oraingoan, #11×12-rako Araba, Bizkaia, Gipuzkoa, Nafarroa eta espainiar estatuko gainontzeko nazio zapalduetako ikasleok deitu dugun ikasleon nazioarteko mobilizazio eguna aipatu ez, eta Nafarroako ikasleon konbokatoria hutsa bailitzan «saldu» du.

IKUSI BIDEOA

[Euskal Herria] Euskal Eskola Nazionala aldarrikatuko dugu urriaren 11 eta 12an

Datorren urriaren 11n greba orokorra deitu dugu espainiar estatuko gainontzeko nazio zapalduetako ikasle mugimenduekin batera. Urriaren 12an, aldiz, ezer ozpatzerik ez dugula adierazi eta herri eskolak egingo ditugu. Honekin, Euskal Herriak behar duen hezkuntza eredu berria borrokatuko dugu, Euskal Eskola Nazionala, alegia. #11×12-a, borrokarako egunak izango dira! (Mobilizazio guztien zerrenda: klik hemen)

[Euskal Herria] Iragarri ditugu #11x12rako mobilizazioak

Gaur, agerraldia egin dugu Ibaetako campusean. Bertan, urriaren 11 eta urriaren 12rako antolatu ditugun mobilizazio guztien berri eman dugu. Informazio guztia jakiteko, jarraitu irakurtzen…